極罕和牛配頂級美酒 細心特設預早醒酒服務

自古以嚟，佳餚配美酒，從來都係一大享受。紅酒嘅丹寧酸同牛肉嘅胺基酸可平衡互補，更能提昇味道嘅層次。位於銅鑼灣嘅「佳牛美酒」，正正就係一個你可以拋開煩惱，靜靜地單純享受靚牛同靚酒嘅地方。餐廳提供嘅和牛，包括澳洲M9+純血和牛、日本A5和牛、美國SRF極黑和牛，全部都係嚟自世界頂級農場；而葡萄酒、日本清酒等更一應俱全，請提早預訂。

餐廳嘅中央係開放式鐵板燒枱，提供席前燒，客人望住片片燒牛肉，立時食指大動。店內另有兩間隱私度高嘅房間，適合私人聚會。

呢度有咁多款靚牛，如果想一次過品嚐到最多牛肉款式嘅話，極尚套餐係絕佳嘅選擇，三種牛都可以食齊。

餐廳對待每樣食物嘅態度都係認真一致，即使前菜都絕不馬虎。按季節時令選材，例如近期就有先酸後甜嘅赤舞，醒神開胃。芝麻水菜沙律亦有驚喜，沙律菜、豆腐、麻醬配搭平衡，富有層次。

澳洲熟成牛舌呈嫩紅色，肉質柔軟爽口；日本牛胸腹筋膜較少，食起上嚟啖啖肉香；日本牛肩胛就好似拖羅一樣，油花甚香；而日本牛橫隔膜嘅肉味則係咁多個部位中最濃郁嘅。每日款式供應按餐廳來貨決定。澳洲和牛舌香港少有餐廳有供應，不容錯過。

牛魔王對澳洲M9和牛一定唔會陌生，就連澳洲當地人都未必有機會食到嘅靚牛，呢塊仲要係全港獨有嘅純血M9+，年產量唔多，每月都係限量供應，非常珍貴。西冷更係全牛最肥美嘅部位，脂肪雪花分佈平均，以真‧火炭爐烤製，外層脆身而內裡肉汁仍然juicy，肉香中滲有油香同炭香，富有嚼勁，難怪每位食過嘅客人都會對之念念不忘。

相比起西冷，牛筋更加有嚼勁，一下一下咁咬，肉汁連同炭燒香就一啖一啖咁喺口腔中爆發，令人完全陶醉喺佳牛嘅世界中。

接近尾聲但依然驚喜連連！薄切日本A5和牛以大火輕烤至半生熟，本嚟已經滿滿油香滑口，再錦上添花地加埋日本溫泉蛋，連同日本珍珠米一齊拌勻，一冷一熱，層次倍增。

**極尚套餐另外仲包有時令海鮮同特色甜品

Lunch間中都會想食得豐富啲，呢度有多款百零二百蚊嘅午巿套餐，每個套餐都配有前菜、白蜆湯、芝麻水菜沙律同日本米飯，性價比極高。

美國SRF極黑和牛配帶子定食，一個餐可以食齊牛肉加海鮮，大滿足。

炭燒美國極黑和牛西冷定食，既有炭香亦有肉香。

一啖香嫩多汁嘅牛肉，一啖濃郁果香嘅葡萄酒，酒不醉人人自醉啊。

酒迷注定會畀一入餐廳就見到嘅美酒櫃吸引，陳列出嚟嘅葡萄酒品牌齊全，當中又以波爾多紅酒佔量最多，最靚嘅年份例如1996、2005、2009、2010年等都有！而且更會提供奧地利頂級酒杯品牌，純手工吹製嘅Zalto水晶杯，酒杯輕身、特有設計使之更能特顯葡萄酒嘅香氣同味道。值得一提嘅係，餐廳細心地設有預訂紅酒同醒酒服務，客人可於wine1000plus網站內揀選心頭好，預訂咗嘅酒就會送到餐廳，再根據訂座時間預早醒酒，一去到就有得飲啦~

網址: https://s.openrice.com/QrbS0FzY400~dQr_z2W41

地址: 銅鑼灣銅鑼灣渣甸街66號亨環7樓

電話: 28864838
WhatsApp訂座: 52209066